好慘~沒有電打蛋器的日子.....綠茶紅豆*說謊*蛋糕250605

lee個樣又靚味道又好食~正~

lee個唔知點解岩岩焗個時就發到豬頭咁,焗完就凹到阿媽都唔應得~重要開左個口忝~激死~


lee二個係同一個蛋糕黎架~因為6吋太細,多左d出黎我用紙模整埋佢咋~
味道唔錯~

今次個整cake過程真係慘慘慘呢~
1.冇電打蛋器,基本上我係唔夠力打到d蛋白企身呢~因為小妹本身係冇乜力既人黎....唯有格硬打到手就黎抽根...
2.食譜要沙拉油...屋企冇....唯有用牛油代替...
3.食譜要牛奶...屋企又冇...唯有用水代替...

整個時幾驚打唔起d蛋...幾驚用代替品整既蛋出黎好唔掂d味,
但係食左個片之後發覺味道唔差,
老公話今次有80分忝呀~
佢好口"釣"架~佢話今次個cake好鬆軟,同埋有衝動再食~
好開心呀~
不過呢~個個6吋cake發到阿媽都唔應得~又裂左呢><
下次要買中空模先得~
lee個cake前前後後用左一個鐘到咋~就搞掂了~好正呀~^^

p.s.大個個食唔晒~星期日拎埋比d fd試,佢地都話幾好味~好野下次再整先得~

急急腳.......

朱古力cheese cake


手多加多左點點,搞到樣衰晒><

急急腳一晚咁整左二個cake
一個係好朋友bonny要幫手既--->朱古力芝士cake
另一個係之前睇左唔駛錢既示範班學整既---->bail's 芝士cake

琴晚bonny上左黎整cake,不過佢又要趕住走...
搞到"lee咁氣",個廳又冇乜位整野,張大枱又要放餸食飯,搞到要係細枱仔整
唉~搞到我倒左一次酒同埋蛋黃係枱到...咁鬼細張枱放咁多野點得呀~
亂到死~~~~~~~~~~~~~~~~~
又要焗子茸又唔記得拎消化餅返home,
阿妹幫手打cream又打過龍搞到要落街買~
總之勁唔掂啦~
bonny走後,佢九點走左了~拎埋個模走~我都驚個cake雪咁少時間會溶呢~
佢走左之後我自己整bailey's cheese cake law~
好快搞掂呢~
整好之後重有時間練琴忝~我9點半都整好晒了~
琴晚都好累呢~
鬼咩~日頭又cut盒又痴盒,條腰好痛呢 shoulder都好痛呢~><
憎人個x神呀~><

父親節提前慶祝

個人好累搞到冇乜心機打日記了~
張相個d係琴晚整既餃子同埋老公煎既薄餐呢~
黎緊lee個星期,好似好忙咁,日日都差不多有晒野做,冇乜時間整野食,好唔開心呢~><

星期五個日去左尖東食巴西燒烤(本身諗住食有骨氣既,但係冇晒位,個優惠星期日又唔用得)都ok ga~
$68一個人,但係拎位個d有問題law~訂左位又要提早去拎飛,拎完又要等,等到差唔多10點先入得
搞到公公好似唔多開心咁!
不過呢餐廳個到有人彈結他,阿公係咁影相,好似開心番lu~

係呀~食左個個減肥餐二日半之後,輕左1-2磅咋~太少了~
我諗住今個星期三又再食,今次跟足d希望可以瘦多d~

好累呀唔打了~..........er

減肥餐的第二天

報告報告:
今朝磅係113lbs(我估應該冇輕到,因為呢琴日係夜晚磅今日係朝早磅,一個係食完晒飯一個係乜都未食,輕左少少係一定架呢~)

Breakfast:烚蛋一隻
香蕉半條
方包一塊
茶一杯

lunch:
梳打餅一包(三塊)
藍梅乳酪一杯
水一杯

tea:香蕉1 1/3條

dinner:
vailla ice-cream一杯
廚c腸二條
細西蘭花一個
西瓜一片
茶粉茶一杯
一啖x夫(諗極都諗唔到點打)係mk mtr同sogo都有得買個d呢~日本野黎架~

運動:fu拉圈15min,壓腰各10下,左右踢腿各10下,減腰器(推個d)about 30下~
夜晚磅又114wo~好過琴晚wo~不過唔同磅黎既~唔知有冇分別呢~er..hee hee

今晚練琴練左差唔多個半鐘呢~老公一路陪住我練,我地一路係到傾計,好似好耐冇傾計了~
鬼咩~佢六月頭忙到宜家~日日見到面既時間唔多(訓教唔計),冇乜傾計~得閒傾下好d既~^^
心情好d~彈琴個時都會好d架呢~不過都係唔係好熟要再練多d先得~^^加油哦~

減肥餐的第一天

今日開始食三日減肥餐~三日姐好快搞掂~^^

報告一下今日食左d乜先:

breakfast:花生醬多士一塊
西柚半個
茶一杯

lunch: 水浸吞拿魚多士一塊
茶一杯
tea:梳打餅(太平)一包(三塊)
茶一杯

dinner:生菜半個(烚)
富士蘋果一個(細)
提子12粒
ice-cream一杯
小雲吞2粒
茶一杯


除左食餐之後都有做運動呢~
由旺角行去尖咀(返工)大約45分鐘,太耐冇行咁耐,有d辛苦~面都紅晒~@.@
fu拉圈15min
原地跳100下
左右踢腿10下
左右壓腰20下

今朝唔記得磅重,宜家磅數為115lbs.

加油呀~~~~~~~~~~~~~~>0<

琴晚整左班戟,不過好失敗,厚,反唔到..爛開..唉~都唔知點解~><
係咪個平底鑊問題呢~等我星期六試下先~哼~

總?!腫?!...哦~粽也~哈哈~05端午節

星期五睇到貓網有個post講包粽,重有movie睇,咪去睇law~一睇之下覺得都唔難~
咪一心諗住屎忽行去試包...我覺得端午食粽先得架~
由於星期五食完飯(同老公姑媽係德褔個到食)返到屋企都己經夜了~要訓教同埋買唔到料浸唔到住...
星期六食完lunch之後去左街市買料,買左$10五花腩,2斤糯米,$4綠豆(開邊),5隻咸蛋,葉同水草...
一番到屋企即刻浸晒d野先~跟住老公冇啦啦收到電話要去石塘wo(老公公公住的地方)話做節wo~-_"
um~好彩冇野做ja~咪上去law~一心諗住要食完飯個d先返都要好夜呢...但係點之上到去就話食盤了(盤菜)
食完一陣冇野做睇埋報紙就走了~返左黎食左個飯盒就開始包粽了,嘩~你咪話呀~都幾難包架~
d葉又唔知做乜鬼~包包下會爛既~d樣好奇怪呀包到~但係好彩有d好靚仔~拎左黎影相~呃得下人~
老公包個d係big mac黎架~用三,四塊葉包架佢~最終包左39隻~原本40隻架~但係拎去烚個時散開左了~
包到我腰酸背痛呢~冇計啦~屈住係到包左咁耐...
經老公試味後...結果..綠豆唔夠~
下年再努力呀~下年要早d包呢~
中秋要整月餅先~哈哈哈

重有其他相架去lee到睇啦~
有上星期整既Fresh~blueBerry muffins
chestnut mousse Cake
new York Cheese Cake

http://photos.yahoo.com/yinyingterrycat/

痴左線...?!

琴日都唔知做乜~可能累得掣掛~
係生活智慧王個到睇到有一個整ice-cream既方法諗住整啦~
點知...
用錯材料...
人地叫用鮮奶油...
我呢就一直以為係奶油...即係牛油...
但我由始至中都冇發驚有問題...
但係...係網友話我知
我先發覺...
唉
重整晒...放埋入雪櫃...
唔怪得咁怪啦~好彩未食ja...er........
都唔知做乜黎~傻左咁...

唉~失敗呢~>~<
今日都好累呀~一返工想訓教...

Vv's Birthday~^^

哈哈哈~今日係網友VV既生日~雖然我地未見過但係我覺得我地己經好fd了~可能因為成日傾msn啦~^^
係到祝你生日快樂, 一年靚過一年~囡囡愈黎愈乖,工作愉快~老闆成日要出街,哈哈哈~最重要係一家人身體健康!!!^^

唔知點解呢~近日又覺得好累...係咪因為之前為左整野食而唔夠訓呢???
um我諗我要抖番下先得~...
琴晚十點幾十一點訓左啦~累到死..
唉~近排好熱氣~生左好幾粒豆豆呢~好醜呢~eeeeeeeeeeeeeeee~><

快d知到結果啦~好緊張呀~希望得啦~>~<~

相中係琴晚包既紫菜飯糰,好味~勁多呀~哈哈哈

靚靚的櫃

哩一個就係老公辛辛苦苦整既櫃啦~
你睇~幾靚~
d公仔好正呀~
不過唔放係到都唔知原來唔係好多咋wo~我重以為好多忝一盒...
不過都未放晒~重有一少盒...
哈~要儲多d靚靚公仔先得~
^3^

Tim's Birthday~060605

今日係阿Tim生日~係到再祝佢生日快樂~開開心心...工作愉快...心想事成...etc..哈

琴晚諗住成班found dip既女出去食飯...點知約個時個個都唔得閒...最終得番4個~(計埋主角)
但係...出黎個時...重衰...有一個要ot~搞搞下即係得番3個..-_-"
冇計啦~各有各忙~都唔知幾時先再約得齊了...唉

Tim~真係唔好意思~唔夠時間整cake比你~下次一定補番~有拖冇欠吧~^^

原本芒果mousse cake係星期六係阿e到整既~由於.....(好多原因...)所以冇整到...
改左係星期日整...所以先唔夠時間番屋企整new york cheese cake比阿tim..-_-"

個芒果mousse cake味道唔錯,但只可惜得我同老公食呢...er...

昨日作品:芒果mousse cake

都唔知點解...傻左?!

成日覺得放假過得唔開心...好係晒左一日...
(不過其實日日都係架啦~唔開心咁過就晒架啦~...)
今日明白到,好多時唔開心既罪魁禍首原來都係自己...
點解做野之前唔諗多少少,做多少少..咁咪唔駛搞咁多不必要既麻煩出黎law~
搞到自己唔開心,又搞到老公唔開心....
Um....
我以後唔會咁疏忽架啦~
我知你好鍚我架~
我都好鍚你架呢~

lee排重係好累...點解會咁架呢~
今朝出門口返工個時~係到諗好想郊遊一下呢~(當然唔係行山啦~我會死架~er...)去下大"山與"山都好呀~同老公講下先~嘿~^^

No name cheese cake???

個食譜係貓網網友提供架~
佢話又唔係new york,又唔係日式...
咁我咪改佢做no name cheese cake la~
但係我今次冇落餅底~
因為我覺得怪怪地~ 牛油+餅拎去焗咪溶晒law????
所以我就就咁整左層cheese cake飛底了~
味道真係好似日式~但係味感就似雪個d wo~
呵~好味~^^

媽媽的陳村粉

話說有一次媽咪係出面酒樓食過蒸陳村粉之後呢...就買左個蒸籠番黎自己整~lee個蒸籠都不知蒸過幾多味野架啦~有蒜溶蝦飯,腸粉,荷葉飯....哈~
阿爸阿媽就係咁架啦~出面食過好味既野呢~成日都會番屋企試整~阿爸之前都有用焗爐整燒雞呢~下次影低佢先~哈哈哈~

今次係~滑雞陳村粉~

020605 busy Night

琴日一放工呢~就飛奔左過去荃灣,由tst搭mtr去美孚,又係美孚轉west rail....行餐死.....出晒汗...
搞乜鬼?!家因要去join 老公~送過櫃返屋企....個櫃係比我放公仔figure ga~去到老公公司,拎左二個櫃之後(一個比阿e既)7點半到上車,出發去,
第一站係XX花園(要幫埋阿e車埋部電視機呢~
第二部元朗阿e到,最後終於返到屯門了~嘩~個櫃激重,我好驚佢會跌呢~ 最終係9點前返到,
幾經辛苦返左上樓之後,我又由落黎去wellcome買餸,要煮飯呢~聽日又要帶飯wo~
嘿嘿~我諗住今晚整pizza呢~我用左唔駛一個鐘頭煮好餐飯了~不過只係超級簡單既餸有番茄蛋,蒸午餐肉,蒜溶炒椰菜咋~係煮飯既途中我就整 pizza個皮了~因為要比時間佢發酵呢~幾驚呀~
因為我只係買左半斤中筋面粉咋~好驚唔夠300g呀~好彩岩岩好差唔多夠300g,但係照食譜咁整好似少左水d~咁我咪自己加左水law~最終搞掂個時又覺得多左少少水wo~-_-"唔理啦~由佢發下酵先啦~食譜又冇講等幾耐...咁我咪由佢發一個鐘到law~係其間我咪煮餸law~哈哈~善用時間~正~好擔心好似上次整腸仔包咁~發唔到....但係過左大半個鐘之後我偷睇過佢,e~真係有發架wo~但係冇發到2倍咁大law~可能跟錯左食譜既酵母份量吧~佢只係話1 1/2匙,又冇講大定少~我咪求其見到d量匙係1同1/2咪用law~
er.....最終成差不多11點先食飯~食完飯之後我先搞個pizza,frist拎左個面糰出黎look,太軟了~
所以加少少高筋粉....look好一個,放左落鍋(個食譜係用平底鍋整架咋)搞掂晒d料...
開火....過左冇耐...老公就話係廳旸到"火農""味,但係我係個鍋到聞又聞唔到wo~我唔放心咪new買d鍚紙睇law~點知個底真係"火農"火農"地呢~唉~但係只係整左幾分鐘咋~我咪由佢繼續law~...過多一陣...."火農"晒 lu~ 我拎左少少黎試,中間d粉重好似未熟晒~所以我決定第二個放係焗爐到~比較有信心d~雖然第一個呢~"火農"左~但係d味道ok ga wo~^^
又識發~似層層咁~好~第二個開始焗了~初初用180度~諗住焗15分鐘但係焗左10分鐘~個底都冇乜反應咁~跟住我咪改左用200度law~toteal焗左17分鐘~因為第一次整~重要唔太跟食譜~求其自己試架咋~好彩~老公話成功wo~嘿嘿~好野~整到pizza la~但可惜d料好似唔太新鮮呢~同埋d芝士焗完唔同平時食個d有絲既~er..........

下次試下用其他唔同既料同埋買專用芝士先! ^^